2Ti 4 | PONPDN | STEP | I KAKALIKI on uk melel mon Kot o Kristus Iesus, me pan kadeikada me maur o me melar akan ni a pan kotido ni a wei,

2 Timothy 4

1 I KAKALIKI on uk melel mon Kot o Kristus Iesus, me pan kadeikada me maur o me melar akan ni a pan kotido ni a wei, 2 Padaki masan nantion eta ni ansau mau o ni ansau me sued kasaleda dip, o kapunada, o panaui ni kanonama, o kaukawewe. 3 Pwe eu ansau kokodo re sota pan mauki padak en kamaur, a duen pein arail inon kasapwilada saunpadak kai, me pan wiada padak duen me re mauki. 4 O re pan kawuki san melel salon arail, ap kawuki on kasoi mal akan. 5 A koe en masamasan ni meakaros. Peren ki kamekam, kapwaiada wiawia en wanporon amen. Kapwaiada mau om koa. 6 Metet nai kamekamela o ansau en ai mela leler. 7 I wiadar pei mau eu, i kanikielar ai weir en tan, i dadaurata poson. 8 Ari, nin en me pun nekinek on ia, me Kaun o pan kotiki on ia ni ran o, iei saunkapun pun, a kaidin on nai ta, pwe on Karos, me anane a pwarado. 9 Kaporisokki uk, pwen madan kodo re i. 10 Pwe Demas me kase ia lar pwe a pok on sappa et, ap samalaner Tesalonik, Kresens Kalesia, Titus Dalmatien, 11 Lukas eta mi re i, ukada Markus, pwen ian kodo met, pwe a katepa on ia ni ai dodok. 12 A Tikikus i kadaralan Epis us. 13 Likau pup, me i pwilikidier Trous ren Karpus, wado ni om pan pwarado, o puk kan o kisin likau kan. 14 Aleksander saunmata wia on ia me sued toto, Kaun o en kotin depuk on i duen a wiawia kan! 15 Koe pil kalaka i, pwe a kin nantion palian at padak. 16 Ni tapin ai pan pakadeikada, sota amen me sauasa, pwe karos tan san ia, mepukat ender pwaipwai on irail. 17 A Kaun o kotin ieian ia o kamana ia da, pwe i en kak kanikiela ai padapadak o men liki kan karos en ron. I dorelar san au en laien. 18 A Kaun o pan kotin kapit ia la san ni wiawia sued karos, o kotin kalua won ia wein nanlan, I en linan kokolata! Amen. 19 Ranamau, won Priska o Akwila o toun im en Onesiporus. 20 Erastus mondi Korint, a Tropimus somaudar, i ap pwilikidi Miletus. 21 Kaporisokki uk, pwen kodo mon ansaun kapau. En Eupulus a ranamau won uk, o pil en Pudens, o Linus, o Klaudia, o ri atail karos. 22 Kaun o en kotikot ni nen om! Mak en mi re omail!